Bhimgal, 2026-06-05
నిజామాబాద్ జిల్లా భీంగల్ పట్టణంలో ప్రతి సోమవారం జరిగే వారపు సంత వర్షాల కారణంగా తీవ్ర బురదమయంగా మారింది. సంత ప్రాంగణమంతా మోకాల్లోతు బురద, మురుగు నీరు నిలిచిపోవడంతో ప్రజలు, వ్యాపారులు తీవ్ర ఇబ్బందులు పడుతున్నారు. ఈ పరిస్థితిపై మున్సిపల్ అధికారుల నిర్లక్ష్యాన్ని నిరసిస్తూ స్థానికులు ఆగ్రహం వ్యక్తం చేస్తున్నారు.
నిజామాబాద్ జిల్లా భీంగల్ పట్టణంలో ప్రతి సోమవారం జరిగే వారపు సంత వర్షాల కారణంగా తీవ్ర బురదమయంగా మారింది. సంత ప్రాంగణమంతా మోకాల్లోతు బురద, మురుగు నీరు నిలిచిపోవడంతో ప్రజలు, వ్యాపారులు తీవ్ర ఇబ్బందులు పడుతున్నారు. కూరగాయల కొనుగోళ్లకు వచ్చే ప్రజలు అడుగు తీసి అడుగు వేయలేని దుస్థితి నెలకొంది. ఈ పరిస్థితిపై మున్సిపల్ అధికారుల నిర్లక్ష్యాన్ని నిరసిస్తూ స్థానికులు ఆగ్రహం వ్యక్తం చేస్తున్నారు.
జారిపడుతున్న వృద్ధులు, మహిళలు
చిరు వ్యాపారులు తప్పనిసరి పరిస్థితుల్లో బురద, మురుగు నీటి మధ్యనే దుకాణాలు ఏర్పాటు చేసుకుని విక్రయాలు కొనసాగిస్తున్నారు. వాహనాల రాకపోకలతో బురద రోడ్లపైకి వచ్చి పాదచారులు తీవ్ర ఇబ్బందులు పడుతున్నారు. ముఖ్యంగా మహిళలు, వృద్ధులు, చిన్నారులు నడవలేక జారిపడుతూ ప్రమాదాల బారిన పడుతున్నారని స్థానికులు ఆందోళన వ్యక్తం చేస్తున్నారు. ఈ సమస్యకు శాశ్వత పరిష్కారం చూపాలని వారు కోరుతున్నారు.
వేలాది మంది తరలివచ్చే సంతలో పారిశుధ్య లోపం
భీంగల్ వారపు సంతకు భీంగల్తో పాటు పరిసర గ్రామాల నుంచి వేలాది మంది ప్రజలు తరలివస్తుంటారు. ఇంత రద్దీ ఉండే ప్రాంతంలో కనీస పారిశుధ్య నిర్వహణ, డ్రైనేజీ సదుపాయాలు కల్పించకపోవడంపై స్థానికులు మండిపడుతున్నారు. వర్షం పడిన ప్రతిసారీ ఇదే పరిస్థితి పునరావృతమవుతున్నా అధికారులు పట్టించుకోవడం లేదని విమర్శిస్తున్నారు. మొద్దునిద్ర వీడి సమస్య పరిష్కారానికి చర్యలు తీసుకోవాలని డిమాండ్ చేస్తున్నారు.
మున్సిపల్ అధికారులకు తక్షణ చర్యలకు డిమాండ్
తక్షణమే మున్సిపల్ అధికారులు క్షేత్రస్థాయిలో పరిశీలించి, సంత ప్రాంగణంలోని బురదను తొలగించాలని ప్రజలు, వ్యాపారులు కోరుతున్నారు. మురుగు నీరు నిలవకుండా డ్రైనేజీ వ్యవస్థను మెరుగుపరచాలని, మొరం లేదా మెటల్ వేసి రహదారులను సరిచేయాలని విజ్ఞప్తి చేస్తున్నారు. సమస్యకు తాత్కాలిక మరమ్మతులతో సరిపెట్టకుండా శాశ్వత పరిష్కారం చూపాలని వారు డిమాండ్ చేస్తున్నారు. అధికారులు స్పందించి తగు చర్యలు చేపట్టకపోతే ఆందోళనలు తప్పవని హెచ్చరిస్తున్నారు.
