సిరికొండ, 2025-09-11
సిరికొండ మండల కేంద్రంలోని కామధేను జూనియర్ కళాశాలలో శుక్రవారం ఫ్రెషర్స్ డే వేడుకలు ఘనంగా జరిగాయి. ఈ సందర్భంగా రాష్ట్రస్థాయిలో ఆరో ర్యాంకు సాధించిన విద్యార్థి డి. యశ్వంత్ను రూ.5 వేల నగదు పురస్కారంతో సత్కరించారు. లక్ష్య సాధనకు ప్రణాళికాబద్ధమైన చదువు అవసరమని ప్రిన్సిపాల్ సూచించారు.
కామధేను కళాశాలలో ఫ్రెషర్స్ డే సందడి రాష్ట్రస్థాయి ఆరో ర్యాంకర్కు రూ.5 వేల నగదు పురస్కారం సిరికొండ మండల కేంద్రంలోని కామధేను జూనియర్ కళాశాలలో శుక్రవారం ఫ్రెషర్స్ డే వేడుకలు ఘనంగా నిర్వహించారు. ప్రిన్సిపాల్ పుప్పాల లక్ష్మి నర్సయ్య మాట్లాడుతూ విద్యార్థులు లక్ష్యాన్ని ఏర్పరచుకొని ప్రణాళికాబద్ధంగా చదివి ఉన్నత ఫలితాలు సాధించాలని సూచించారు. 2025-26 విద్యా సంవత్సరంలో ఎంపీసీలో రాష్ట్రస్థాయిలో ఆరో ర్యాంకు సాధించిన డి. యశ్వంత్ 470 మార్కులకు 464 మార్కులు పొందినందుకు రూ.5 వేల నగదు పురస్కారంతో సత్కరించారు. కళాశాల కరస్పాండెంట్ బి. లింబాద్రి విద్యార్థులు క్రమశిక్షణతో మెలిగి కళాశాలకు మంచి పేరు తీసుకురావాలని సూచించారు. మోటివేషనల్ స్పీకర్ ఎం. నవీన్ సమయ నిర్వహణపై విద్యార్థులకు అవగాహన కల్పిస్తూ ప్రణాళికతో చదివితే మంచి ఫలితాలు సాధించవచ్చని తెలిపారు. అనంతరం విద్యార్థుల నృత్య ప్రదర్శనలు ఆకట్టుకున్నాయి. కార్యక్రమంలో కళాశాల సిబ్బంది, అతిథులు, విద్యార్థులు పాల్గొన్నారు.
