సిరికొండ, 3 September
నిజామాబాద్ రూరల్ నియోజకవర్గ ఇన్చార్జి బాజిరెడ్డి జగన్ మండలం లోని చీమనపల్లి, పందిమడుగు గ్రామాల్లో ఇటీవల మృతి చెందిన నాగపురం శంకర్, మాలవత్ రాజేందర్ కుటుంబాలను పరామర్శించి, వారికి అండగా ఉంటామని భరోసా కల్పించారు. ఆప్తులను కోల్పోయిన కుటుంబాలకు మనోధైర్యం కల్పించడం తమ బాధ్యత అని ఆయన అన్నారు.
మృతుల కుటుంబాలను పరామర్శించి భరోసా కల్పించిన బాజిరెడ్డి జగన్ : మండలం లోని చీమనపల్లి గ్రామంలో ఇటీవల మృతి చెందిన నాగపురం శంకర్ కుటుంబాన్ని నిజామాబాద్ రూరల్ నియోజకవర్గ ఇన్చార్జి బాజిరెడ్డి జగన్ పరామర్శించారు. శంకర్ మృతి పట్ల తీవ్ర విచారం వ్యక్తం చేసిన ఆయన, కుటుంబ సభ్యులను ఓదార్చి ధైర్యంగా ఉండాలని సూచించారు. కుటుంబానికి తమవంతు సహాయ సహకారాలు అందిస్తామని, ఎలాంటి పరిస్థితుల్లోనైనా అండగా ఉంటామని భరోసా ఇచ్చారు. ఈ సందర్భంగా కుటుంబ సభ్యులతో మాట్లాడి వారి పరిస్థితులను అడిగి తెలుసుకున్నారు. ఆప్తులను కోల్పోవడం ఎంతో బాధాకరమని, కష్టకాలంలో కుటుంబ సభ్యులకు మనోధైర్యం కల్పించడం ప్రతి ఒక్కరి బాధ్యత అని బాజిరెడ్డి జగన్ అన్నారు. మృతుడి ఆత్మకు శాంతి చేకూరాలని, కుటుంబ సభ్యులకు ఆ భగవంతుడు మనోధైర్యాన్ని ప్రసాదించాలని ఆకాంక్షించారు. అనంతరం పందిమడుగు గ్రామంలో ఇటీవల మృతి చెందిన మాలవత్ రాజేందర్ తండ్రి కుటుంబాన్ని కూడా బాజిరెడ్డి జగన్ పరామర్శించారు. రాజేందర్ను, కుటుంబ సభ్యులను ఓదార్చి తన ప్రగాఢ సానుభూతిని తెలిపారు. కుటుంబ పెద్దను కోల్పోవడం బాధాకరమని, ఈ విషాద సమయంలో కుటుంబానికి అన్ని విధాలుగా అండగా ఉంటామని హామీ ఇచ్చారు. గ్రామాల్లో ప్రజలకు ఏ కష్టం వచ్చినా అందుబాటులో ఉండి తమ వంతు సహాయ సహకారాలు అందించేందుకు కృషి చేస్తామని బాజిరెడ్డి జగన్ తెలిపారు. ప్రజల సుఖదుఃఖాల్లో భాగస్వాములుగా ఉండటం తమ బాధ్యతగా భావిస్తున్నామని పేర్కొన్నారు. ఈ కార్యక్రమాల్లో ఆకుల తిరుమల, భూషన్ రెడ్డి, చీమనపల్లి సర్పంచ్ శివారెడ్డి, మైలారం దయానంద్, భూక రాజు తదితరులు పాల్గొని మృతుల కుటుంబ సభ్యులను పరామర్శించారు.