నిజామాబాద్ లో విషాదం: తుపాకి శుభ్రం చేస్తుండగా ఆర్ఐ మృతి

నిజామాబాద్ పోలీస్ హెడ్ క్వార్టర్స్ లో విషాదకర సంఘటన చోటుచేసుకుంది. ఎన్.ఎస్.ఓ డ్యూటీ ముగించుకొని వచ్చిన తర్వాత, ఉదయం సమయంలో ఆయుధాన్ని శుభ్రం చేస్తుండగా ప్రమాదవశాత్తు మిస్ఫైర్ అయి రిజర్వ్ ఇన్స్పెక్టర్ హెచ్. సతీష్ మరణించారు.

కమిషనర్ పరిశీలన

ఈ ఘటనపై సమాచారం అందుకున్న వెంటనే నిజామాబాద్ పోలీస్ కమిషనర్ సాయి చైతన్య, ఐపీఎస్., సంఘటనా స్థలానికి చేరుకొని పరిశీలించారు. ప్రమాదానికి గల కారణాలపై ఆరా తీశారు. ఈ ఘటనపై కేసు నమోదు చేసుకుని దర్యాప్తు చేస్తున్నట్లు అధికారులు తెలిపారు.

మృతుడు హెచ్. సతీష్, నిజామాబాద్ పోలీస్ శాఖలో రిజర్వ్ ఇన్స్పెక్టర్ గా పనిచేస్తున్నారు. ఆయన డ్యూటీ ముగించుకొని వచ్చిన తర్వాత తన వ్యక్తిగత ఆయుధాన్ని శుభ్రం చేసుకుంటున్న సమయంలో ఈ దుర్ఘటన జరిగినట్లు తెలుస్తోంది. ఈ సంఘటన పోలీస్ శాఖలో తీవ్ర కలకలం రేపింది.