రోడ్డు ప్రమాదాల నివారణకు విస్తృత అవగాహన కార్యక్రమాలు: అదనపు కలెక్టర్ కిరణ్ కుమార్

ప్రమాదాలను తగ్గించే లక్ష్యంతో, విద్యార్థులు, వాహన చోదకులు, ప్రజలకు అవగాహన కల్పించేందుకు అన్ని మార్గాలను ఉపయోగించుకోవాలని అదనపు కలెక్టర్ కిరణ్ కుమార్ అధికారులను కోరారు. పాఠశాలలు, కళాశాలల్లో ప్రత్యేక కార్యక్రమాలు నిర్వహించాలని సూచించారు.

రోడ్డు భద్రతా కమిటీ సమావేశంలో, తరచుగా ప్రమాదాలు జరుగుతున్న 'బ్లాక్ స్పాట్' ప్రాంతాలపై, ప్రమాదాలకు దారితీస్తున్న కారణాలపై చర్చించారు. ఈ ప్రదేశాలలో ప్రమాదాలను నివారించడానికి తక్షణ చర్యలు తీసుకోవాలని సంబంధిత అధికారులను ఆదేశించారు.

వరి కోతల సమయంలో రోడ్లపై ధాన్యం ఆరబెట్టడం వల్ల జరిగే ప్రమాదాలను నివారించడానికి రైతులకు అవగాహన కల్పించాలని, అతివేగం, మద్యం సేవించి వాహనాలు నడపడం, సీట్ బెల్ట్, హెల్మెట్ ధరించకపోవడం వంటి వాటిపై విస్తృతంగా ప్రచారం చేయాలని కిరణ్ కుమార్ సూచించారు. ప్రమాదాలకు కారణమవుతున్న ఆక్రమణలను తొలగించాలని కూడా ఆదేశించారు.